ခွဲစိတ်ရန်မလိုပဲ သေးငယ်တဲ့ကြိုးများကိုအသုံးပြု၍ မျက်နှာကိုနုပျိုလှပပြီး အသားအရေတင်းရင်းမှုကို လျင်မြန်စွာရရှိစေနိုင်မည့်ကုသမှု ဖြစ်ပါသည်။

 

ကုသမှု၏အကျိုးကျေးဇူးများ

*လှပ၊ နုပျို၊ ကြည်လင်တောက်ပသော မျက်နှာအသားအရေကို ပိုင်ဆိုင်နိုင်ခြင်း

*လျော့တွဲနေသော အသားအရေကို ပင့်တင်ပေးသောကြောင့် မျက်နှာအသားအရေတင်းရင်းမှု ရရှိခြင်း

*ကြိုးထိုးထားတဲ့နေရာတွေမှာ ကော်လဂျင်ဓာတ်လုပ်မှုကို လှုံ့ဆော်ပေးခြင်း

 

မျက်နှာကြိုးထိုးကုသမှု

ထုံဆေးအသုံးပြုပြီး မျက်နှာတွင် သေးငယ်တဲ့ကော်လဂျင်ကြိုးလေးများ Super Fine Absorbable Monofilament Threads ကို အရေပြားတွင် ဆေးထိုးအပ်လေးနဲ့ ထိုးထည့်သွင်းပေးခြင်းဖြစ်ပါသည်။

ကြာချိန် ၃၀မိနစ်မှ ၄၅မိနစ် ဝန်းကျင်

 

သတိပြုရန်အချက်များ

* ၂၄ နာရီအတွင်း ရေခဲကပ်ပေးရန် (၁နာရီလျှင် ၁၅ မိနစ်ခန့်_၁ကြိမ်ကပ်ရန်)

ရေခဲဖြင့် မျက်နှာပေါ်သို့ တိုက်ရိုက်မကပ်ရပါ၊ ပိုးသတ်ထားပြီး သန့်ရှင်းသောအဝတ်ကို ချုပ်ရိုးပေါ်တွင် ခံပြီးမှ ရေခဲကပ်ရပါမည်။

* ၂၄နာရီအတွင်း ပက်လက်လှန်အိပ်ပါ။

* ၂၄နာရီအတွင်း ကိုယ်လက်လှုပ်ရှားမှု တတ်နိုင်သမျှမလုပ်ပဲ အနားယူပါ။

* ၂၄နာရီကျော်လျှင် မျက်နှာသစ်နိုင်ပြီး မျက်နှာကို ညှင်သာစွာ ကိုင်တွယ်ပါ။

* ၄၈နာရီကျော်မှ မိတ်ကပ်၊ Foundation များကို လိမ်းသင့်ပါသည်။

*ကြိုးထိုးပြီး ၃ရက်အတွင်း အစာစားလျှင် ကြေလွယ်သော၊ ဝါးရလွယ်သော အစာများကို ရွေးချယ်စားပါ။

*မျက်နှာကို သန့်ရှင်းသော ပုဝါ (သို့) ဂွမ်းဖြင့် သုတ်ပေးပါ။

* ခွဲစိတ်ပြီး ၃ရက်အထိ ခေါင်းအုံးအမြင့်(၂လုံး)ပေါ်တွင် အိပ်ပါ။

*တပတ်အတွင်း ဆေးလိပ်၊ အရက်သောက်ခြင်း ရှောင်ပါ။

*မျက်နှာကို နှိပ်နယ်ခြင်း၊ မကြာခဏကိုင်တွယ်ခြင်း မပြုရပါ။

*မျက်နှာကို ဖုန်၊ သဲ၊ မီးခိုးများ မထိတွေ့စေရန် သတိပြုပါ။

 

မျက်နှာကြိုးထိုးပြီး အချိန် ဘယ်လောက်ကြာကြာခံသလဲ?

၁နှစ်မှ ၃နှစ် ဝန်းကျင်

 

မျက်နှာကြိုးထိုးပြီး ဘယ်လောက်ကြာလျှင် အကောင်းဆုံးရလဒ်ကို ရရှိမလဲ?

*၁ရက်မှ ၃ရက်အတွင်း Face Lifting Effect ကို စတင်တွေ့နိုင်ပါသည်။

*ကြိုးများသည် ၂ပတ်မှ ၄ပတ်အတွင်း နေရာကျသွားပါမည်၊ ကော်လဂျင်လှုံ့ဆော်မှုကို စတင်လာပါမည်။

*တဖြည်းဖြည်းချင်း ပိုမိုတင်းရင်းသော အသားအရေကို ရရှိလာပြီး ၆လ-၉လတွင် အကောင်းဆုံးရလဒ်ကို ရရှိနိုင်ပါသည်။

လူနာ၏ အသက်၊ အရေပြားပေါ်မူတည်၍ ကွဲပြားနိုင်ပါသည်။

 

မည်သည့်ဘေးထွက်ဆိုးကျိုးများ ဖြစ်တတ်သလဲ?

*မျက်နှာ ရောင်ရမ်းခြင်း၊ နီရဲခြင်း

*နာကျင်ကိုက်ခဲခြင်း

*ကြိုးကို စမ်းမိခြင်း

*ကြိုးနေရာရွေ့ခြင်း

*ကြိုးပြတ်ခြင်း

*ပိုးဝင်ခြင်း